Ads
సినిమా సెలెబ్రెటీలకు సొంత ఇల్లు ఉండడంతో పాటు ఒకటి, రెండు గెస్ట్ హౌస్ లు ఉండడం అనేది సాధారణమే. వారు కొన్ని సార్లు ఆ గెస్ట్ హౌస్ ను వాడుకుంటారు.. లేదా అవసరం అయినప్పుడు షూటింగ్స్ కు ఇచ్చేస్తూ ఉంటారు. మెగాస్టార్ చిరంజీవికి కూడా చెన్నై లో ఓ గెస్ట్ హౌస్ ఉంది. దీనిని ఎప్పుడూ షూటింగ్స్ కి ఇచ్చేస్తూ ఉంటారు. ఇందుకు రెంట్ కూడా తీసుకుంటారు. అయితే.. ఇప్పటికే ఈ గెస్ట్ హౌస్ లో చాలా సినిమాలను షూట్ చేసారు. ఈ గెస్ట్ హౌస్ లోనే బాలయ్య బాబు సినిమా షూటింగ్ కూడా జరిగింది.
మెగాస్టార్ చిరంజీవి, నందమూరి నట సింహం బాలయ్య ఎప్పటి నుంచో సినిమా ఇండస్ట్రీలో పోటీ పడుతున్న సంగతి తెలిసిందే. గత నలభై ఏళ్ల నుంచి వీరిద్దరి మధ్య పోటీ ఉంది. వీరిద్దరి సినిమాలు పోటాపోటీగా విడుదల అయ్యి ప్రేక్షకులకు కనువిందు చేస్తూ ఉంటాయి. అయితే.. మెగాస్టార్ గెస్ట్ హౌస్లో బాలయ్య మూవీ షూటింగ్ జరిగింది అన్న సంగతి చాలా మందికి తెలియదు.
Ads
33 సంవత్సరాల క్రితం బాలకృష్ణ హీరోగా నారీ నారీ నడుమ మురారి సినిమా వచ్చింది. ఈ సినిమా అప్పట్లోనే బ్లాక్ బస్టర్ విజయం సాధించి భారీ కలెక్షన్స్ ను రాబట్టింది. బాలయ్య, ఏ.కోదండరామిరెడ్డి కాంబోలో ఏడవసారి వచ్చిన మూవీ “నారీ నారీ నడుమ మురారి”. ఈ సినిమా బాలకృష్ణకి 50 వ సినిమా. అప్పటికి, బాలకృష్ణ సినిమా అంటే ఫుల్ ఫైట్స్ ఉంటాయి. కానీ ఈ సినిమా ఈ అంచనాలకు భిన్నంగా రూపొందింది. ఊహకి అందని రీతిలో కలెక్షన్స్ సాధించింది. ఈ సినిమాలో ఒక్క ఫైట్ సీన్ కూడా లేకపోవడం విశేషం. చెన్నైలోని వెల్లిచ్చెరి ప్రాంతంలోని చిరు గెస్ట్ హౌస్ లో ఈ సినిమా షూటింగ్ చేసారు. ఈ గెస్ట్ హౌస్ నే హనీ హౌస్ అని పిలుచుకుంటూ ఉంటారు.
