అబ్బాయిలు పెళ్లి చేసుకునే అమ్మాయిలకు ఇలాంటి లక్షణాలు ఉండాలని తప్పక కోరుకుంటారు. అలాంటి అమ్మాయిలను తమ జీవిత భాగస్వామిగా చేసుకోవాలని ఆశిస్తారు.
అబ్బాయిలు దయ కలిగిన అమ్మాయిలను, మృదువైన మనస్తత్వం కలిగిన అమ్మాయిలను ఎక్కువగా ఇష్టపడతారని తెలుస్తోంది. మరీ అబ్బాయిలు ఎలాంటి లక్షణాలు ఉన్న అమ్మాయిలను ఇష్టపడతారో ఇప్పుడు చూద్దాం..
వినయం:
అబ్బాయిలకు అమ్మాయిలలో ఎక్కువగా నచ్చే క్వాలిటీలలో వినయం కూడా ఒకటి. వినయంగా నడుచుకునే అమ్మాయిలు అబ్బాయిలకు చాలా అందంగా కనిపిస్తారట. వినయం అనేది ఇతరుల పై ఉండే ప్రేమని, ఆప్యాయతని చూపిస్తుందట.
నిజాయితీ:
సాధారణంగా అందరూ తమకు కాబోయే జీవిత భాగస్వామిలో నిజాయితీ ఉండాలని తప్పనిసరిగా కోరుకుంటారు. నిజాయితీ మీదనే ఏ బంధమైన ఆధారపడి ఉంటుంది. అది లేనట్లయితే మధ్యలోనే విడిపోవాల్సి వస్తుంది. అందువల్ల అబ్బాయిలు నిజాయితీ కలిగిన అమ్మాయిలనే ఎక్కువగా ఇష్టపడతారు.
తెలివితేటలు:
అబ్బాయిలు తెలివైన అమ్మాయిలను ఎక్కువగా ఇష్టపడతారట. అలాంటి అమ్మాయిలు అబ్బాయిలకు మరింత ఆకర్షణీయంగా కనిపిస్తారట.
ఆత్మవిశ్వాసం, దృఢ సంకల్పం:
అబ్బాయిలు ఆత్మవిశ్వాసం, దృఢ సంకల్పం కలిగి ఉన్న అమ్మాయిలను ఎక్కువగా ఇష్టపడతారట. ఈ లక్షణాలు కలిగిన అమ్మాయిలు మానసికంగా ఎంతో బలంగా ఉంటారట. ఎలాంటి సమస్యలు వచ్చినా భయపడరని, ఎలాంటి పరిస్థితులలో అయినా క్రుంగిపోకుండా ధైర్యంగా ముందుకు వెళతారట.
సిగ్గుపడే అమ్మాయిలు:
అబ్బాయిలు ఆత్మవిశ్వాసం, దృఢ సంకల్పం మాత్రమే కాకుండా వాటితో పాటు సిగ్గుపడే అమ్మాయిలను సైతం ఎక్కువగా ఇష్టపడతారట. సిగ్గుపడే అమ్మాయిలు అబ్బాయిలను ఎక్కువగా ఆకర్షిస్తారట. ఒకరి పై ప్రేమ కలిగినపుడు అమ్మాయిలు వారిని చూసి సిగ్గుపడతారట. అదే వారిపై ఉండే ఇష్టాన్ని తెలియచేస్తుందట.
లోపాలను అర్థం చేసుకోవడం:
అబ్బాయిలు తమలో ఉండే లోపాలను కూడా అర్థం చేసుకుని, వారిని ప్రేమించే అమ్మాయిలను ఎక్కువగా ఇష్టపడతారట. లేని ప్రేమను చూపించే అమ్మాయిలను, కపటమైన ప్రేమను ప్రదర్శించే అమ్మాయిలను అబ్బాయిలు అస్సలు ఇష్టపడరట.
