భర్తతో కాపురం చేయలేనన్న కూతురు…మేళతాళాలతో ఊరేగింపుగా పుట్టింటికి తీసుకొచ్చిన తండ్రి.! (వీడియో)

ఆడపిల్ల తండ్రి అంటే కూతురికి మంచి సంబంధం చూసి పెళ్లి చేసి సాగనంపడేమే కాదు, కూతురు అత్తవారింట్లో వేధింపులకు గురి అవుతుంటే ఆమెకు అండగా ఉండాలి. అలా కష్టాలలో ఉన్న తన కూతురిని ఒక తండ్రి టపాసులు పేలుస్తూ, మేళతాళాలతో ఇంటికి తీసుకువచ్చాడు.

భర్త పెట్టే వేధింపులు తట్టుకోలేక బాధపడుతున్న కూతురును ఆమె తండ్రి ఊరేగింపుగా పుట్టింటికి తీసుకువచ్చాడు. ఈ అరుదైన ఘటన ఝార్ఖండ్ రాష్ట్రంలోని రాంచీలో చోటుచేసుకుంది. ఈ ఘటనకు సంబంధించిన వీడియో ప్రస్తుతం నెట్టింట్లో వైరల్ గా మారింది.

రాంచీకి చెందిన ప్రేమ్ గుప్తా సంవత్సరం క్రితం తన కుమార్తె సాక్షి గుప్తాకు సచిన్ కుమార్ అనే వ్యక్తితో  పెళ్లి జరిపించాడు. పెళ్లి అయిన కొన్ని రోజులకే సచిన్ కుమార్ భార్యను వేధించడం మొదలుపెట్టాడు. అది మాత్రమే కాకుండా సచిన్‌ కుమార్ కు అంతకు ముందే మరో యువతితో పెళ్లి జరిగినట్లుగా తెలిసింది. తల్లి దండ్రులు చెప్పినందువల్ల, సాక్షి గుప్తా సర్దుకుపోవడానికి చాలా ప్రయత్నించింది.