Ads
2023 వన్డే ప్రపంచ కప్ లో టీం ఇండియన్ పేసర్ మహమ్మద్ షమీ అద్భుత ప్రదర్శన కనబరుస్తున్నాడు. మొదటి మ్యాచ్ లలో బెంచ్ కే పరిమితమైన షమీ తర్వాత ఆడిన నాలుగు మ్యాచ్ లలో 16 వికెట్లతో దూసుకెళ్తున్నాడు. ప్రపంచ చరిత్రలో భారత్ తరపున అత్యధిక వికెట్ లు తీసిన బౌలర్ గా నిలబడ్డాడు. ఇప్పుడు టాప్ ఫైవ్ జాబితాలో కొనసాగుతున్నాడు. ఆడిన నాలుగు మ్యాచ్ లలో రెండుసార్లు ప్లేయర్ ఆఫ్ ద మ్యాచ్ అవార్డు గెలుచుకున్నాడు.
ఈ టోర్నీలో మొహమ్మద్ షమీ జోరుతో ప్రత్యర్థులు తక్కువ పరుగులకే కుప్పకూలిపోయి ఆల్ అవుట్ అవుతున్నారు.యావత్ ప్రపంచ క్రికెట్ షమీ బౌలింగ్ ని కీర్తిస్తుంది. అయితే షమీ గతంలో ఎన్నో కష్టాలను ఎదుర్కొని ఇప్పుడు ఈ స్థాయిలో కొనసాగుతున్నాడు. తన భార్యతో విడాకుల దగ్గర నుండి ఎదుర్కొన్న అవమానాలు అన్నీ అందరికీ గుర్తుఉంటాయి. అయితే షమీ మాజీ భార్య షమీ ప్రదర్శన పైన తన స్పందన ఎలా ఉందో తెలుసుకునేందుకు ఒక ఛానల్ ప్రయత్నం చేసింది.
అయితే ఆవిడ నుండి ఊహించని స్పందన లభించింది. తన మాజీ భార్య హాసిన్ జహాన్ మాట్లాడుతూ తానేమి క్రికెటర్లకు అభిమానిని కాదని చెప్పుకొచ్చింది. మహమ్మద్ షమీ మంచిగా ఆడితే ఇండియన్ టీం లో కొనసాగుతాడని అభిప్రాయపడింది. అలా జరిగితే బాగా సంపాదించేందుకు వీలవుతుందని కుటుంబానికి కూడా అది మంచిదేగా అని చెప్పుకొచ్చింది.
Ads
2014లో వీరి పెళ్లి జరగగా 2015లో వీరికి ఒక కూతురు జన్మించింది. అయితే 2018లో కట్నం సహ పలు అంశాలలో షమీ వేధిస్తున్నాడంటూ అతనిపైన వేధింపులు కేసు పెట్టింది. 2018 నుండి ఇద్దరు వేరుగా ఉంటున్నారు. అయితే ఇటీవల గృహహింస కేసు కింద తీర్పునిచ్చిన కోల్ కత్తా కోర్టు ప్రతినెల హాసిన్ కు షమీ లక్ష 30 వేల రూపాయలు భరణంగా చెల్లించాలని ఆదేశించింది.
అయితే అభిమానులు మాత్రం షమీకు జరిగిన అన్యాయం పైన తీవ్రంగా మండిపడుతున్నారు. తన భార్య కారణంగా కెరియర్ నాశనం అయ్యే స్థితి నుండి ఈ రోజు షమీ స్టార్ క్రికెటర్ గా ఎదిగిన తీరును ప్రశంసిస్తూ అందరికీ ఒక ఇన్స్పిరేషన్ గా చూస్తున్నారు.
#Shami Tum apna English sudharlo, I’m ready to marry you 🤣🤣
— Payal Ghoshॐ (@iampayalghosh) November 2, 2023
ఇది ఇలా ఉంటే…షమీ అభిమానుల్లో ఒకరైన బెంగాలీ నటి పాయల్ ఘోష్ ఏమని కామెంట్ చేసారు అంటే.. ” నువ్వు ఇంగ్లీష్ నేర్చుకుంటే,నిన్ను నేను పెళ్లి చేసుకుంటా!” అని అన్నారు. ఇది కేవలం పబ్లిసిటీ స్టంట్ అని కొంత మంది పేరుకుంటే మరి కొంత మంది “భారత దేశం లో ఉంటూ ఇంగ్లీష్ భాష పై దృష్తి ఏమిటి” అని ప్రశ్నిస్తున్నారు.
