మనీ ప్లాంట్ పెంచుతున్నారా ..అయితే కచ్చితంగా మీరు ఈ విషయం తెలుసుకోవాల్సిందే..

చాలామందికి మనీ ప్లాంట్ ఇంట్లో పెట్టుకోవడం అంటే ఎంతో ఇష్టం. ప్లాంట్ పేరులోనే మనీ ఉంది కాబట్టి ఇది పెట్టుకోవడం వల్ల ఇంట్లో ఎక్కువగా డబ్బు వస్తుంది అని కొందరు భావిస్తారు. అయితే ఇందులో నిజం ఎంతమంది అనేది మనం వాస్తు శాస్త్రం ప్రకారం తెలుసుకుందాం. మన వాస్తు శాస్త్రం ప్రకారం ఇంట్లో మనీ ప్లాంట్ ను పెంచడం వల్ల ఇంటికి శాంతి లభించడంతో పాటు ఆర్థిక సమస్యలు కూడా దూరం అవుతాయి.

ఎన్నో లాభాలు సమకూర్చే ఈ మొక్కను నాటడానికి కొన్ని నియమ నిబంధనలు ఉన్నాయి. మరి అవి ఏమిటో తెలుసుకుందాం. మనం ఇంట్లో పెంచే మొక్కలు మన ఇంటి అందాన్ని పెంచడంతోపాటు చుట్టూ ఒక ఆహ్లాదకరమైన వాతావరణంలో ఏర్పాటు చేసి పాజిటివ్ ఎనర్జీని ఇస్తాయి. మనీ ప్లాంట్ సరైన దిశ మరియు సరైన స్థలంలో ఉంచినట్లు అయితేనే మనకు లాభదాయకంగా మారుతుంది.

మనీ ప్లాంట్ నాటడానికి ముందు అది ఎక్కడ ఏ దిశలో పెడుతున్నాం అనే విషయంపై మనం శ్రద్ధ చూపించాలి. ఎప్పుడూ ఆ చెట్టు ఇంటికి ఆగ్నేయ దిశలోనే ఉండాలి. పైగా మనీ ప్లాంట్ ని ఎప్పుడు భూమిలో నాటకూడదు. అలా చేయడం వల్ల నేలపై దీని ఆకులు పెరుగుతాయి కాబట్టి ప్రతికూల ప్రభావాలు ఏర్పడతాయి. అందుకే ఎప్పుడూ దీన్ని కుండీలలో, శుభ్రమైన ప్రదేశాలలో నాటాలి.

శుక్రవారం పూట మనీ ప్లాంట్ కు ఎర్రని దారాన్ని లేక కాస్త ఎర్రని కుంకుమ పెట్టాలి అంటారు. ఎందుకంటే ఎరుపు రంగు అనేది విజయం మరియు పురోగతికి చిహ్నంగా భావిస్తారు కాబట్టి అటువంటి దానిని మనీ ప్లాంట్ కు కట్టడం వల్ల ఆర్థిక సమస్యలు తొలగిపోతాయి అలాగే మనం మన వృత్తి మరియు వ్యాపారాలలో పురోగతిని సాధిస్తాం. మరి మీ ఇంట్లో కూడా మనీ ప్లాంట్ పెంచుతున్నట్లయితే తప్పకుండా ఈ జాగ్రత్తలను పాటించండి.