Ads
టాలీవుడ్ పాన్ ఇండియా హీరో జూనియర్ ఎన్టీఆర్ దర్శకుడు కొరటాల శివ కాంబినేషన్ లో రూపొందుతున్న సినిమా దేవర. ఈ సినిమాలో జాన్వీ కపూర్ హీరోయిన్ గా నటిస్తున్న విషయం తెలిసిందే. ఇప్పటికే ఈ సినిమాకు సంబంధించి 40 శాతం షూటింగ్ పూర్తి అయినట్టు తెలుస్తోంది. ఈ సినిమాను వచ్చే ఏడాది ఏప్రిల్ 5న విడుదల చేయాలని ప్లాన్ చేస్తున్నారు మూవీ మేకర్స్. కాగా ఈ సినిమాను హీరో కళ్యాణ్ రామ్ నిర్మిస్తున్న విషయం తెలిసిందే. ఇక ఈ సినిమాకు రత్నవేలు సినిమాటో గ్రాఫర్‌గా పనిచేస్తుండగా, అనిరుద్ మ్యూజిక్ డైరెక్టర్‌గా చేస్తున్నారు.
ఇటీవల దివాళి పండుగ కావడంతో షూటింగ్ కొద్ది రోజులు బ్రేక్ ఇచ్చిన చిత్ర బృందం తాజాగా మళ్లీ షూటింగ్ మొదలుపెట్టారు. ప్రస్తుతం సినిమాలో ఎన్టీఆర్ కి సంబంధించి కొన్ని కీలక సన్నివేశాలను రూపొందిస్తున్నారు. అయితే సినిమా షూటింగ్ మొదలైనప్పటి నుంచి సినిమాటోగ్రాఫర్ రత్నాలు తరచూ సెట్స్ నుంచి ఏదో ఒక ఫోటోని షేర్ చేస్తూనే అప్డేట్స్ ఇస్తూ వచ్చారు. తాజాగా కూడా దేవర సినిమా షూటింగ్లో జరిగిన బర్త్డే పిక్స్ ని షేర్ చేశారు. ఆ ఫొటోస్ లో ఒక కుర్రాడు పుట్టినరోజు వేడుకలను రత్నవేలు అలాగే దర్శకుడు కొరటాల శివ ఇద్దరు కలిసి సెలబ్రేట్ చేస్తున్నారు. ఆ ఫొటోస్ కాస్త సోషల్ మీడియాలో వైరల్ అవ్వడంతో ఇంతకీ ఆ కుర్రాడు ఎవరు అని ఆరా తీయగా ఆ కుర్రాడు పేరు ఆదిత్ సాయి.
Ads
ఆ కుర్రాడు రత్నవేలు కొడుకు. అతను కూడా తన తండ్రి లాగానే కెమెరామెన్ గా మారబోతున్నాడట. అందులో భాగంగానే ప్రస్తుతం శిక్షణలో భాగంగా తండ్రి దగ్గరే శిష్యరికం చేస్తున్నట్లు సమాచారం. ఈ క్రమంలోనే దేవర కెమెరా యూనిట్ ఆదిత్ పాల్గొని శిక్షణ తీసుకుంటున్నట్లు తెలుస్తోంది. ఇక నిన్న అతని పుట్టినరోజు కావడంతో మూవీ సెట్స్ లో కేక్ కట్ చేయించి సెలబ్రేట్ చేశారు.
Wish you a Happy Birthday my dear son #aadith sai ❤️❤️ Budding cinematographer 😉 pic.twitter.com/VQhRHiIqKP
— Rathnavelu ISC (@RathnaveluDop) November 15, 2023
ప్రస్తుతం అందుకు సంబంధించిన ఫోటోలు సోషల్ మీడియాలో చెక్కర్లు కొడుతున్నాయి. కాగా హీరో జూనియర్ ఎన్టీఆర్ గత ఏడాది విడుదల అయిన పాన్ ఇండియా మూవీ ఆర్ఆర్ఆర్ తర్వాత నటిస్తున్న సినిమా కావడంతో ఈ సినిమాపై అంచనాలు మరింత పెరిగాయి. ఈ సినిమా కోసం అభిమానులు ఎంతో ఆత్రుతగా ఎదురుచూస్తున్నారు.
