Ads
నేచురల్ స్టార్ నాని నటించిన ‘హాయ్ నాన్న’ మూవీ డిసెంబర్ 7న రిలీజ్ అయిన విషయం తెలిసిందే. ఎమోషనల్ ఫ్యామిలీ ఎంటర్టైనర్ గా తెరకెక్కిన ఈ చిత్రం తొలి షోతోనే పాజిటివ్ టాక్ ను తెచ్చుకుంది.
మృణాల్ ఠాకూర్ హీరోయిన్ గా నటించిన ఈ మూవీలో శృతి హాసన్ స్పెషల్ కేమియోగా కనిపించారు. కియారా ఖన్నా, ప్రియదర్శి, జయరాం తదితరులు కీలక పాత్రలలో నటించారు. అయితే ఈ మూవీలో హీరో నాని కన్నా మరో నటుడు హైలెట్ అయ్యాడు. అతను ఎవరా అని నెటిజెన్లు ఆరా తీస్తున్నారు. మరీ ఆ నటుడు ఎవరో? ఏమిటో ఇప్పుడు చూద్దాం..
నాని, మృణాల్ ఠాకూర్ జంటగా నటించిన ఈ మూవీ ఆడియెన్స్ ఆకట్టుకుంటోంది. ఈ చిత్రంలో డాక్టర్ అరవింద్ క్యారెక్టర్ లో నటించిన యాక్టర్ హైలెట్ గా నిలిచాడు. ఆ పాత్రలో నటించిన యాక్టర్ పేరు అంగద్ బేడీ. ఈ బాలీవుడ్ యాక్టర్ పూర్తి పేరు అంగద్ సింగ్ బేడీ. ఆయన యాక్టర్ మాత్రమే కాదు మోడల్. బేడీ భారత లెజెండరీ క్రికెటర్ బిషన్ సింగ్ బేడీ కుమారుడు.
ఢిల్లీ తరపున అంగద్ అండర్-19 స్థాయి వరకు క్రికెట్ ఆడాడు. న్యూ ఢిల్లీలోని సాకేత్‌లోని జ్ఞాన్ భారతి స్కూల్‌లో చదువుకున్నాడు. ఢిల్లీలోని సెయింట్ స్టీఫెన్స్ కాలేజీ పూర్తి చేశాడు. ఆ తరువాత మోడలింగ్‌లో కెరీర్ ప్రారంభించాడు. 2004లో శశి కుమార్ దర్శకత్వంలో తెరకెక్కిన కాయ తరణ్ మూవీతో అంగద్ సినీ కెరీర్‌ను మొదలు పెట్టాడు. పలు సినిమాలలో నటించిన, అంగద్ లస్ట్ స్టోరీస్ తో పాటు పలు వెబ్ సిరీస్ లలో నటించి, గుర్తింపు తెచ్చుకున్నాడు.
పలు షోలకు హోస్ట్ గా చేశాడు. హాయ్ నాన్నా మూవీతో సౌత్ ఎంట్రీ ఇచ్చాడు. తొలి సినిమాతో అతని నటనకు ప్రశంసలు వస్తున్నాయి. అంగద్ బేడీ భార్య బాలీవుడ్ హీరోయిన్ నేహా ధూపియా. ఎన్నో బాలీవుడ్ హిట్ చిత్రాల్లో నటించి, అలరించిన నేహా మిస్ ఇండియా టైటిల్‌ను గెలుచుకుంది. ఈ జంటకి ఇద్దరు సంతానం. కుమార్తె, కుమారుడు ఉన్నారు.
Ads
