Ads
సినిమా ఇండస్ట్రీలోకి రావడం అనేది చిన్న విషయం కాదు. వచ్చాక ఇక్కడ గుర్తింపు తెచ్చుకోవడం అనేది ఇంకా చిన్న విషయం కాదు. సినిమా ఇండస్ట్రీలోకి అందరూ రెడ్ కార్పెట్ వేసి పిలవరు. చిన్న చిన్న పనులు చేసుకుంటూ, చిన్న చిన్న పాత్రలు చేసుకుంటూ తర్వాత గుర్తింపు తెచ్చుకున్న సినిమా టెక్నీషియన్లు, సినిమా నటులు ఎంతో మంది ఉన్నారు. చాలా మంది నటులు బ్యాక్ గ్రౌండ్ లో పేరు లేని పాత్రల్లో నటించి, ఇప్పుడు వాళ్ళకంటూ ఒక గొప్ప పేరు సంపాదించుకున్నారు.
సినిమాల్లోకి వచ్చిన కొత్తల్లో అలాంటి పాత్రలో నటించి, ఇవాళ స్టార్ హీరోలు, స్టార్ హీరోయిన్లుగా గుర్తింపు తెచ్చుకున్న వాళ్ళు చాలా మంది ఉన్నారు. కొంత మంది అయితే ప్రాముఖ్యత ఉన్న పాత్రలో నటిస్తూ గొప్ప నటులుగా గుర్తింపు తెచ్చుకున్నారు. పైన ఉన్న నటుడు కూడా అలాగే బ్యాక్ గ్రౌండ్ ఆర్టిస్ట్ గా కెరీర్ మొదలుపెట్టారు. ఇప్పుడు ఇండస్ట్రీలో తనకంటూ ఒక గుర్తింపు సంపాదించుకున్నారు. మహేష్ బాబు పక్కన సీతమ్మ వాకిట్లో సిరిమల్లె చెట్టు సినిమాలో మహేష్ బాబు స్నేహితుల్లో ఒకరిగా ఈ నటుడు నటించారు.
Ads
మహేష్ బాబు సినిమాలో మాత్రమే కాదు. పవన్ కళ్యాణ్ హీరోగా నటించిన అత్తారింటికి దారేది సినిమాలో కూడా, మాల్ లో జరిగే ఒక సీన్ లో హీరోకి అడ్డుపడే వ్యక్తిగా నటించారు. ఈ వ్యక్తి సత్యదేవ్. గతంలో సత్యదేవ్ ఇలాంటి పాత్రలు చేశారు. ప్రభాస్ హీరోగా నటించిన మిస్టర్ పర్ఫెక్ట్ సినిమాలో కూడా ఒక చిన్న పాత్రలో సత్యదేవ్ కనిపిస్తారు. అలా సినిమాలు చేస్తూ, ఇప్పుడు హీరో స్థాయికి సత్యదేవ్ ఎదిగారు. సత్యదేవ్ హీరోగా నటించిన కృష్ణమ్మ విడుదల అయ్యింది. చిరంజీవి హీరోగా నటించిన గాడ్ ఫాదర్ సినిమాలో కూడా ఒక ముఖ్య పాత్రలో సత్యదేవ్ నటించారు.
హీరోగా మాత్రమే కాకుండా, నటనకి ప్రాముఖ్యత ఉన్న పాత్రల్లో కూడా సత్యదేవ్ కనిపిస్తూ ఉంటారు. సత్యదేవ్ కి ఈ జనరేషన్ లో ఉన్న గొప్ప నటుల్లో ఒకరు అనే పేరు ఉంది. ఎందుకంటే సత్యదేవ్ ఎంచుకునే సినిమాలు అలా ఉంటాయి. సత్యదేవ్ సాహో సినిమాలో నీల్ నితిన్ ముఖేష్ కి, నవాబ్ సినిమాలో శింబుకి, ఆకాశం నీ హద్దురా సినిమాలో సూర్యకి కూడా డబ్బింగ్ చెప్పారు. సత్యదేవ్ గతంలో నటించిన సినిమాలు అన్ని చూస్తూ ఉంటే ఇప్పుడు ఈ స్థాయికి రావడానికి ఆయన ఎంత కష్టపడ్డారు అనే విషయం అర్థం అవుతోంది.
