90’s వెబ్ సిరీస్ లో శివాజీ పెద్ద కొడుకుగా నటించిన ఈ అబ్బాయి గురించి తెలుసా..? ఇతను ఎవరంటే..?

ఈటీవీ విన్ యాప్ లో తాజాగా 90’s వెబ్ సిరీస్ స్ట్రీమింగ్ అవుతుంది. ప్రముఖ హీరో శివాజీ ప్రధాన పాత్రలో నటించిన ఈ వెబ్ సిరీస్ 90’s నాటి జ్ఞాపకాలను గుర్తు చేసే విధంగా కామెడీగా ఎమోషనల్ గా సాగుతుంది. ఇందులో శివాజీ కొడుకులుగా ఇద్దరు అబ్బాయిలు చేశారు.

వారు ఈరోజు సోషల్ మీడియాలో ట్రెండింగ్ అవుతున్నారు. వారి నటనతో, కామెడీ టైమింగ్ తో, అమాయకత్వంతో అలనాటి జ్ఞాపకాలను గుర్తు చేస్తూ అందరి మన్ననలు పొందుతున్నారు.

అయితే ఇందులో పెద్దబ్బాయి గా నటించిన అతను మాత్రం అందరి దృష్టిని బాగా ఆకర్షించాడు. అయితే అతను అందరికీ పరిచయమే. సోషల్ మీడియా వాడే ప్రతి ఒక్కరూ అతని వీడియోలకి ఫాన్సే. అతని పేరు మౌళి తనూజ్ ప్రశాంత్…మౌళి టాక్స్ అనే ఒక ఇంస్టాగ్రామ్ పేజీతో బాగా ఫేమస్ అయ్యాడు. ఎవరి సహాయం లేకుండా ఒక్కడే వీడియోలు చేస్తూ కంటెంట్ క్రియేట్ చేస్తూ స్టాండ్ అప్ కమెడియన్ లాగా మంచి పేరు తెచ్చుకున్నాడు.

ఒక్కసారి అతను చేసే వీడియోలు చూస్తే చాలా చిన్నగా ఉంటాయి కానీ వాటికి పడి పడి నవ్వుకుంటాము. నిజజీవితంలో మనం ఎదుర్కొనే సంఘటనలు ఆ పరిస్థితిలో ఉంటే మనం ఎలా రియాక్ట్ అవుతాం అనేది అతను చాలా సింపుల్ గా చేసి చూపిస్తాడు. ఇతను తాజాగా వెబ్ సిరీస్ లలో నటించడం మొదలుపెట్టాడు. అయితే ఈ 90’s వెబ్ సిరీస్ మౌళికి మంచి పేరు తీసుకువచ్చింది.

ఈ సిరీస్ లో ఇతర నటులు కూడా చాలా బాగా నటించారు. మధ్యతరగతి తండ్రిగా శివాజీ, తల్లిగా వాసుకి తమ పాత్రలో జీవించేశారు. ఇప్పటివరకు ఈటీవీ విన్ యాప్ లో రిలీజ్ అయిన కంటెంట్ లో మంచి కంటెంట్ గా 90’s వెబ్ సిరీస్ పేరు తెచ్చుకుంది. 90’s జనరేషన్ వారు ఎవరైనా సరే ఒకసారి ఈ వెబ్ సిరీస్ చూస్తే ఒక్కసారి ఆనాటి జ్ఞాపకాల్లోకి వెళ్లడం ఖాయం.