Ads
కొన్ని సినిమాలు ఎంత బడ్జెట్ పెట్టి తీసినా బాక్స్ ఆఫీస్ వద్ద బోల్తా కొడుతుంటాయి. కొన్ని చిన్న సినిమాలు ఎలాంటి అంచనాలు లేకుండా హిట్ అవుతూ ఉంటాయి. ఎటువంటి పబ్లిసిటీ లేకుండా రిలీజ్ అయిపోయిన సినిమాలు థియేటర్ రెస్పాన్స్ రాకున్నా.. ఓటిటిలో రిలీజ్ అయినప్పుడు సూపర్ హిట్ అవుతూ ఉంటాయి. అలా ఓటిటిలో హిట్ అయిన సినిమాలలో “స్లం డాగ్ హస్బెండ్” సినిమా కూడా ఉంది. ఈ సినిమా కామెడీ ఎంటర్టైనర్ గా రూపొందింది. తాజాగా అమెజాన్ ప్రైమ్ లో ఈ సినిమా అందుబాటులోకి వచ్చింది. సైలెంట్ గా వచ్చి హిట్ కొట్టిన ఈ సినిమా స్టోరీ ఏంటో చూద్దాం.
సంజయ్ రావ్, ప్రణవి మానుకొండ జంటగా నటించిన సినిమా “స్లమ్ డాగ్ హస్బెండ్” . ఇది జులై 29న రిలీజయింది. నెల రోజులు కాకముందు ఓటిటిలోకి కూడా వచ్చేసింది. ఏఆర్ శ్రీధర్ ఈ సినిమాను డైరెక్ట్ చేసారు. సోమరిగా తిరిగే లక్ష్మణ్ అనే యువకుడు మౌనిక అనే అమ్మాయిని ప్రేమిస్తాడు. వీళ్లిద్దరు ప్రేమ గురించి పెద్దవాళ్లకు చెప్పి కస్టపడి పెళ్లికి ఒప్పిస్తారు. అంతా బాగుంది అనుకునేసరికి లక్ష్మణ్ జాతకం బాగోలేదని, దోషాలు పోవాలంటే ముందు ఓ కుక్కకు కానీ, చెట్టుకు కానీ ఇచ్చి పెళ్లి చేయాలనీ ఓ పండితుడు చెబుతాడు.
Ads
దీనితో, ఓ కుక్కని ఎరేంజ్ చేసి పెళ్లి చేస్తారు. తాను ప్రేమించిన అమ్మాయి కోసం కుక్కని పెళ్లి చేసుకోవడానికి కూడా సిద్ధం అయిన లక్ష్మణ్ జీవితం అక్కడే మలుపు తిరుగుతుంది. ఆ పెళ్లి తరువాత లక్ష్మణ్ జీవితంలో ఎలాంటి సంఘటనలు చోటు చేసుకున్నాయి, తాను ప్రేమించిన అమ్మాయిని పెళ్లి చేసుకున్నాడా? అన్న ప్రశ్నలకు సమాధానం ఈ సినిమా చూస్తే తెలుస్తుంది. విభిన్న కథాంశంతో రూపొందిన ఈ సినిమా సరదాగా సాగిపోతూ ప్రేక్షకులని నవ్విస్తుంది. ఈ సినిమా ఇప్పుడు ప్రైమ్ ఓటిటి లో అందుబాటులో ఉంది. సరదాగా కాసేపు సినిమా చూడాలనుకుంటే ఈ సినిమా చూసేయండి.
