Ads
కొన్ని కాంబినేషన్స్ అసలు ఆలోచనకి కూడా రావు. అలాంటి కాంబినేషన్స్ లో సినిమాలు వస్తే అందరూ ఆశ్చర్యపోతారు. ఈ కాంబినేషన్స్ ఏవైనా అవుతాయి. అంటే, హీరో – డైరెక్టర్ కాంబినేషన్, హీరో – మ్యూజిక్ డైరెక్టర్ కాంబినేషన్, హీరో – ప్రొడ్యూసర్ కాంబినేషన్, హీరో-హీరోయిన్ కాంబినేషన్, ఇలాంటివి. అలాంటి కాంబినేషన్ ఒకటి కొన్ని సంవత్సరాల క్రితం వచ్చింది. ఇప్పుడు విలన్ పాత్రలు చేస్తూ, డిఫరెంట్ పాత్రలు చేస్తూ విలక్షణ నటుడిగా గుర్తింపు తెచ్చుకున్నారు ఎస్ జె సూర్య.
ఒక సమయంలో ఎస్ జె సూర్య హీరోగా కూడా నటించారు. ఆయన పక్కన నయనతార హీరోయిన్ గా ఒక సినిమా వచ్చింది. ఈ సినిమా చాలా మందికి తెలియదు. ఈ సినిమా పేరు కాల్వవనిన్ కాదలి. తెలుగులో కూడా ఈ సినిమా వచ్చింది. చిలిపి పేరుతో ఈ సినిమాని డబ్ చేసి విడుదల చేశారు. ఈ సినిమాకి తమిళ్ వన్నన్ దర్శకత్వం వహించారు. లక్ష్మణ్ ఈ సినిమాకి నిర్మాతగా వ్యవహరించారు. యువన్ శంకర్ రాజా ఈ సినిమాకి సంగీత దర్శకత్వం వహించారు. అప్పట్లో పాటలు చాలా పెద్ద హిట్ అయ్యాయి. శ్రద్ధ ఆర్య ఈ సినిమాలో మరొక హీరోయిన్ గా నటించారు.
Ads
సినిమా కథ కూడా చాలా డిఫరెంట్ గా ఉంటుంది. సినిమాలో కామెడీ బాగుంది అంటూ అప్పట్లో టాక్ వచ్చింది. కొన్ని సీన్స్ మాత్రం అభ్యంతరకరంగా ఉన్నాయి అంటూ కామెంట్స్ కూడా వచ్చాయి. ఒకవేళ ఆ సీన్స్ లేకపోతే సినిమా అందరూ చూడదగ్గ సినిమా అని అన్నారు. కొన్ని ఎమోషనల్ సీన్స్ కూడా ఇంకా బాగా తీస్తే బాగుండేది అనే కామెంట్స్ కూడా వచ్చాయి. ఈ సినిమా 2006 లో వచ్చింది. అప్పట్లో ఇంటర్నెట్ గురించి అంత పెద్ద అవగాహన ఉండదు.
టీవీలో వస్తే సినిమా చూడాలి. అలాంటి సమయంలో ఈ సినిమా వచ్చింది కాబట్టి చాలా మందికి ఈ సినిమా తెలియదు. నయనతార కూడా అప్పుడే ఇండస్ట్రీకి కొత్తగా వచ్చారు. సినిమా పాటలు మాత్రం హిట్ అయ్యాయి. ఇప్పటికి కూడా ఈ సినిమా పాటలు వినే వాళ్ళు ఉంటారు. యువన్ శంకర్ రాజా చాలా మంచి ఆల్బమ్ ఇచ్చారు అని అందరూ మెచ్చుకున్నారు.
