Ads
సినిమా వారసత్వంతో ఇండస్ట్రీకి అడుగు పెట్టినా కూడా, తనకంటూ ఒక గుర్తింపు సంపాదించుకొని, యంగ్ టైగర్ గా ఎదిగారు జూనియర్ ఎన్టీఆర్. తాతకి తగ్గ మనవడు అని అనిపించుకున్నారు. జూనియర్ ఎన్టీఆర్ ప్రతి సినిమాకి తనని తాను మెరుగుపరుచుకుంటూ వస్తున్నారు. చాలా చిన్న వయసులోనే సినిమా ఇండస్ట్రీలో అడుగు పెట్టారు. అంత చిన్న వయసులో సింహాద్రితో ఇండస్ట్రీ హిట్ కొట్టారు. ఆది సినిమాతో మరొక హిట్ కూడా కొట్టారు.
జూనియర్ ఎన్టీఆర్ కెరీర్ లో ఎంత మంచి హిట్స్ ఉన్నాయో, అన్ని ఫ్లాప్ సినిమాలు కూడా ఉన్నాయి. కానీ వాటన్నిటినీ దాటుకొని ఇవాళ ఈ స్థాయికి వచ్చారు. టెంపర్ సినిమా ముందు జూనియర్ ఎన్టీఆర్ తీసిన సినిమాలు ఆశించిన ఫలితాలు ఇవ్వలేదు. రభస సినిమా జూనియర్ ఎన్టీఆర్ ని పూర్తిగా మార్చింది. ఆ సినిమా నుండి జూనియర్ ఎన్టీఆర్ తన స్క్రిప్ట్ సెలక్షన్ మార్చుకున్నారు. అప్పటి నుండి జూనియర్ ఎన్టీఆర్ చేసిన ప్రతి సినిమా హిట్ అవుతూ వస్తోంది. రభస సినిమా తర్వాత టెంపర్ సినిమా వచ్చింది.
ఈ సినిమా చాలా పెద్ద హిట్ అయ్యింది. ఆ తర్వాత వచ్చిన అరవింద సమేత వీర రాఘవ సినిమా కూడా పెద్ద విజయం సాధించింది. ఆ తర్వాత ఆర్ఆర్ఆర్ సినిమాతో అంతర్జాతీయ స్థాయిలో గుర్తింపు సంపాదించుకున్నారు. కొమరం భీం పాత్రలో చాలా బాగా నటించారు. ఇప్పుడు జూనియర్ ఎన్టీఆర్ దేవర సినిమాలో నటిస్తున్నారు. కొరటాల శివ ఈ సినిమాకి దర్శకత్వం వహిస్తున్నారు. వీళ్ళిద్దరికీ ఈ సినిమా చాలా ముఖ్యమైన సినిమా. కొరటాల శివ మొదటి పాన్ ఇండియన్ సినిమా ఇది.
Ads
జూనియర్ ఎన్టీఆర్ రెండు భాగాలుగా రూపొందించబోతున్న సినిమాలో నటించడం మొదటి సారి కూడా ఇది. అయితే, ఎంత సినిమాల్లో ఉన్నా కూడా జూనియర్ ఎన్టీఆర్ నుండి రాజకీయానికి సంబంధించిన విషయాల మీద స్పందన కూడా కొంత మంది ఆశిస్తున్నారు. ఇటీవల అసలు జూనియర్ ఎన్టీఆర్ రాజకీయాల గురించి మాట్లాడట్లేదు అంటూ కామెంట్స్ వస్తున్నాయి. ఇవాళ తెలుగుదేశం పార్టీ మెజారిటీతో విజయం సాధించింది. చంద్రబాబు నాయుడు గారి ఇంట్లో సెలబ్రేషన్స్ జరుగుతున్నాయి. జూనియర్ ఎన్టీఆర్ ఇందులో కనిపించట్లేదు.
ఇందుకు కారణం జూనియర్ ఎన్టీఆర్ సినిమా షూటింగ్ పనిలో ఉండడం అని తెలుస్తోంది. జూనియర్ ఎన్టీఆర్ దేవర సినిమా మాత్రమే కాకుండా, హిందీలో వార్ 2 సినిమా కూడా చేస్తున్నారు. ఈ సినిమాలో హృతిక్ రోషన్ తో పాటు కలిసి జూనియర్ ఎన్టీఆర్ నటిస్తున్నారు. ఇది జూనియర్ ఎన్టీఆర్ నటిస్తున్న మొదటి హిందీ సినిమా. ఈ సినిమా మీద కూడా అందరికీ భారీగా అంచనాలు ఉన్నాయి. ఈ రెండు సినిమాల షూటింగ్ పనుల వల్ల జూనియర్ ఎన్టీఆర్ రాజకీయానికి సంబంధించిన విషయాల మీద ఫోకస్ పెట్టాలేకపోతున్నారు. దేవర సినిమాతో పాటు ఈ సినిమా కూడా రూపొందిస్తున్నారు.
