తెలుగు హీరోలందరినీ కలుస్తున్న ఈ వ్యక్తులు ఎవరు..? అసలు వీళ్ల ప్లాన్ ఏంటి..?

నెట్‌ఫ్లిక్స్ సీఈవో టెడ్ సరండోస్ .. లేటెస్ట్ గా వరుస పెట్టి టాలీవుడ్ అగ్ర హీరోలతో బేటి నిర్వహిస్తున్నాడు. ఇటీవల చిరంజీవి కుటుంబాన్ని కలిసిన అతను..తిరిగి ఎన్టీఆర్ ఫ్యామిలీతో ముచ్చటించాడు. ఇప్పుడు ఏకంగా మహేష్ బాబుతో కలిసి మీటింగ్ పెట్టాడు.

ప్రస్తుతం వీటికి సంబంధించిన ఫోటోలు సోషల్ మీడియాలో వైరల్ అవుతున్నాయి. ఈ నేపథ్యంలో ఏ మీటింగ్ గనక కారణం ఏమిటి అనే విషయంపై జోరుగా డిస్కషన్ కూడా జరుగుతుంది.

రీసెంట్గా చిరంజీవి ఇంట్లో టెడ్ సరండోస్ కు మెగా కుటుంబం లంచ్ ఏర్పాటు చేసింది. ఈ ఈవెంట్ లో రాంచరణ్, సాయిధరమ్ తేజ్, వైష్ణవ్ తేజ్, నిర్మాతలు శోభు యార్లగడ్డ, విక్కీలతో సరండోస్ ముచ్చటించారు. ఇక నిన్న నందమూరి కుటుంబం తో కలిసి సందడి చేశారు నెట్ ఫ్లిక్స్ బృందం. ఈ సందర్భంగా కళ్యాణ్ రామ్ కొరటాల శివ తో కూడా డిస్కస్ చేశాడు సరండోస్. ఇక ఇప్పుడు మాటల మాంత్రికుడు త్రివిక్రమ్ ,మహేష్ బాబుతో ముచ్చటించారు.

ఇలా వరుసగా ఒకరి తర్వాత ఒకరు టాలీవుడ్ అగ్ర హీరోలతో నెట్ ఫ్లిక్స్ టీం.. ఎందుకు కలుస్తున్నారు అన్న విషయం వెనుక ఏదైనా బలమైన కారణం ఉంటుందా అన్న సందేహం కూడా వినిపిస్తోంది. ప్రస్తుతం ఈ అగ్ర హీరోలు వారి కుటుంబ సభ్యులతో..టెడ్ సరండోస్‌, ఆయన టీం మోనికా షెర్గిల్, అభిషేక్ గోరాడియాతో కలిసి దిగిన ఫోటోలు సోషల్ మీడియాలో హల్చల్ చేస్తున్నాయి.