Ads
ఐపీఎల్ పుణ్యమా అంటూ ఎంతో మంది దేశీ వాలి క్రికెటర్లకు అవకాశాలు వస్తున్నాయి. ఐపీఎల్ లో ప్రదర్శన బట్టి జాతీయ జట్లో కూడా చోటు దక్కించుకుంటున్నారు. ఇలా ఐపీఎల్లో తెలుగు రాష్ట్రాల కుర్రాళ్లకు కూడా మంచి మంచి అవకాశాలు అందుతున్నాయి. తాజాగా 2024 ఐపీఎల్ లో సిరిసిల్లకు చెందిన కుర్రాడికి అవకాశం దక్కింది.
Ads
పూర్తి వివరాల్లోకి వెళ్తే హైదరాబాద్ క్రికెట్ అసోసియేషన్ తరపున ఆడుతున్న అరవెల్లి అవనీష్ రావునీ చెన్నై సూపర్ కింగ్స్ జట్టు బేస్ ధర 20 లక్షలకి సొంతం చేసుకుంది. అవనిష్ ది రాజన్న సిరిసిల్ల జిల్లా ముస్తాబాద్ మండలం పోతుగల్ గ్రామం. జనవరి 19న దక్షిణాఫ్రికా తో జరిగే అండర్-19 క్రికెట్ వరల్డ్ కప్ కి కూడా ఈ వికెట్ కీపర్ కం బ్యాటర్ ఎంపికయ్యాడు.
విజయ్ హజారే ట్రోఫీలో హైదరాబాద్ తరపున సర్వీసెస్ పై లిస్టుA అరంగ్రేటం చేశాడు. ఈ నవంబర్ లో జరిగిన నాలుగు జట్ల అండర్ 19 టోర్నీలో భారత్ A తరుపున ఆడిన అవినీష్ 163 పరుగులతో అదరగొట్టాడు. ఇప్పుడు ఐపీఎల్ లో చోటు దక్కించుకోవడంతో అవనీష్ గ్రామస్తులు ఆనందం వ్యక్తం చేస్తున్నారు. ఐపీఎల్ లో బాగా రాణించాలని అభినందనలు తెలియజేస్తున్నారు.
