Ads
బుల్లితెర పై ప్రసారం అవుతున్న ‘గుప్పెడంత మనసు’ సీరియల్ ను ప్రేక్షకులు మొదటి నుండి ఎంతగానో ఆదరిస్తున్నారు. టి ఆర్పీ రేటింగ్ లో సైతం కార్తీక దీపం సీరియల్ తో పోటీపడింది. ఇక ఆ సీరియల్ ముగిసిన తరువాత గుప్పెడంత మనసు టాప్ ప్లేస్ లోకి వచ్చింది.
Ads
అయితే ఈ సీరియల్ లో కీలకం అయిన జగతి మేడం క్యారెక్టర్ ను మధ్యలోనే చంపేయడంతో సీరియల్ పై మొదట్లో ఉన్న ఆసక్తి కొంతమేర తగ్గింది. అయినా రిషి, వసుధారల ప్రేమతో ఆకట్టుకుంటుందని అంతా అనుకున్నారు. కానీ క్రైమ్ సస్పెన్స్ గా మారిన సీరియల్ లో 3 నెలలుగా రిషి కనిపించడంలేదు. సడెన్ గా రిషి ఫోటోకి దండ వేశారు . ఆ వివరాలు ఇప్పుడు చూద్దాం..
గుప్పెడంత మనసు సీరియల్ లో గత కొన్నాళ్లుగా రిషి పాత్రను కనిపించడంలేదు. కొన్ని రోజులు యాక్సిడెంట్ అయ్యిందని, ఇంకొన్ని రోజులు జైలుకి వెళ్లాడని చూపించారు. ఆ తరువాత మరో కొన్నిరోజులు కిడ్నాప్ అంటూ, ఆ తరువాత ట్రీట్ మెంట్ జరుగుతుందని రిషి క్యారెక్టర్ సీరియల్ లో కనిపించడం లేదు. తాజాగా ప్రసారం అయిన ఎపిసోడ్ లో మహేంద్ర అనుమానాస్పద డెడ్ బాడీని చూసి రిషి అని గుర్తుపడతారు. ఇక బ్లడ్ రిపోర్ట్, డీఎన్ఏ టెస్ట్‌లు కూడా రిషికి మ్యాచ్ అవడంతో అది ఖచ్చితంగా రిషినే అంటూ మహేంద్ర ఏడుస్తాడు.
కానీ వసుధార నమ్మకుండా, తాను బ్రతికే ఉంది. అందువల్ల రిషి ఖచ్చితంగా బతికే ఉన్నాడని, రిషిని వెతికి ఇంటికి తీసుకొస్తానని చెప్పి వెళ్తుంది. అయితే ఒక చోట కూర్చుని బాధపడుతూ ఉంటే ఆమె బావ రాజీవ్ వచ్చి పెళ్లి చేసుకుందమంటూ ఆమెను బలవంతంగా తీసుకు వెళ్తుంటే, ఓ కారు వచ్చి వారి ముందు అగుతుంది. అందులో నుండి కొత్త వ్యక్తి దిగి ఆమెను కాపాడుతాడు. అతనికి థ్యాంక్స్ చెప్పి ఇంటికి వెళ్తుంది. అక్కడ రిషి ఫోటోకు దండవేసి ఉండడంతో షాక్ అవుతుంది.
ఫొటో దగ్గర మహేంద్ర ఏడుస్తుంటాడు. శైలేంద్ర, దేవయానిలు ఉంటారు. వసుధార ‘నా రిషి ఫొటోకి దండ వేసింది ఎవరు మామయ్యా ఎవరు ఇలా చేసింది? అంటూ అన్నిటిని విసిరికొడుతుంది.రిషి ఎక్కడికి వెళ్లిపోలేదంటూ ఫోటోను పట్టుకుని బాధపడుతుంది. కానీ దేవయాని రిషి చనిపోయాడనే నిజాన్ని అందరు తెలుసకున్నారు. నువ్వు ఒక్కదానివే భ్రమలో ఉన్నవని అంటుంది. మొత్తానికి ఈ ఎపిసోడ్‌లో హీరో రిషి ఫొటోకి దండ వేయడంతో చనిపోయాడని చెప్పేశారు.
Also Read: “ఇది జోక్ కాదు..!” అంటూ… పూనం పాండేపై ఇంటింటి గృహలక్ష్మి హీరోయిన్ కామెంట్స్..!
