Ads
సినిమాలు రీమేక్ చేయడం అనేది సహజం. కానీ పాటలు కూడా రీమేక్ అవుతాయి. అది కూడా ఒక భాషలో ఉన్న పాట ఇంకొక భాషలోకి రీమేక్ అవ్వడం కూడా సహజమే. కానీ ఒకే భాషలో ఉన్న పాట అదే భాషలోకి రీమేక్ అవ్వడం మాత్రం చాలా అరుదుగా జరుగుతుంది. వివరాల్లోకి వెళితే, నాగార్జున హీరోగా లారెన్స్ దర్శకత్వంలో వచ్చిన సినిమా డాన్. అనుష్క ఈ సినిమాలో హీరోయిన్ గా నటించారు. లారెన్స్ కూడా ఒక ముఖ్య పాత్ర పోషించారు. నికిత నెగిటివ్ పాత్రలో నటించారు. నాగార్జున, లారెన్స్ కాంబినేషన్ లో ముందు మాస్ సినిమా వచ్చింది. ఆ సినిమా చాలా పెద్ద హిట్ అయ్యింది.
ఈ సినిమా కూడా భారీ అంచనాలతో విడుదల అయ్యింది. కానీ డాన్ సినిమా ఆ అంచనాలు అందుకోలేకపోయింది. కానీ నాగార్జున ఈ సినిమాలో చాలా స్టైలిష్ గా కనిపించారు. ఈ సినిమాకి లారెన్స్ సంగీత దర్శకత్వం కూడా వహించారు. ఈ సినిమాలో ఇంత అందంగా ఉన్నావే ఎవరే నువ్వు పాట చాలా ఫేమస్ అయ్యింది. ఇప్పటికి కూడా ఈ పాటని వినే వాళ్ళు చాలా మంది ఉంటారు. అయితే, ఈ పాట ఒరిజినల్ అంతకుముందే వచ్చింది. సాయి కిరణ్ హీరోగా నటించిన సువర్ణ అనే సినిమాలో ఈ పాట ఉంటుంది. కానీ మొత్తం పాట ఇలాగే ఉండదు. కేవలం మొదటి రెండు లైన్లు మాత్రం ఇలాగే ఉంటాయి.
Ads
లిరిక్స్ కూడా అవే ఉంటాయి. షయాక్ పర్వేజ్ ఈ సినిమాకి సంగీత దర్శకత్వం వహించారు. సోషల్ మీడియాలో ఈ పాట ఇప్పుడు బయటికి వచ్చింది. రెండు పాటలు మొదట విన్నప్పుడు ఒకేలాగా అనిపిస్తాయి. వెంకట్ ఈ.ఎస్. సువర్ణ సినిమాని నిర్మించారు. సాయి కిరణ్ తో పాటు, మమత ఈ సినిమాలో నటించారు. వెంకట్ ఈ.ఎస్. ఈ సినిమాకి దర్శకత్వం వహించారు. ఎన్నో సంవత్సరాల క్రితం వచ్చిన ఈ పాట ఇప్పుడు సోషల్ మీడియా వల్ల మళ్ళీ ఫేమస్ అవుతోంది. ఇప్పుడు ఈ పాట వీడియో కింద కామెంట్స్ వస్తున్నాయి.
watch video :
