Ads
ప్ర‌తి సంవత్సరం విడుదలైన సినిమాలలో కొన్ని మాత్రమే ప్రేక్ష‌కులకు నచ్చుతాయి. అలా మ‌న‌సుకు నచ్చిన సినిమాల కోసం గూగుల్ లో వెతుకుతారు.
ఇక అలాగే ఈ ఏడాది భారతీయులు కొన్ని మూవీస్ గురించి ఎక్కువగా వెతికారు. ఇక ఈ విషయాన్నే గూగుల్ ప్రకటించింది. ఈ ఏడాది విడుదలయిన భారతీయులు సినిమాలలో వెతికినా టాప్ 10 సినిమాలు ఏమిటో చూద్దాం..
1.బ్రహ్మాస్త్ర
భారతీయులు 2022లో అత్యధికంగా గూగుల్ లో వెతికిన సినిమాగా టాప్ ప్లేస్ లో ఉన్న సినిమా బ్రహ్మాస్త్ర. ఈ సినిమాలో రణ్‌బీర్ కపూర్, అలియా భట్ జంటగా నటించారు. ఈ సినిమాకు దర్శకుడు అయాన్ ముఖర్జీ.
2. కేజీఎఫ్2
ప్రశాంత నీల్ డైరెక్షన్ లో రాకింగ్ స్టార్ యష్ నటించిన కేజీఎఫ్2 ఎంత పెద్ద సంచలనం క్రియేట్ చేసిందో అందరికి తెలిసిందే. ఈ సినిమా గూగుల్ సెర్చ్‌లో సెకండ్ ప్లేస్ దక్కించుకుంది. ఈ సినిమా విదేశాల్లో కూడా సందడి చేసింది. యష్‌కి ఈ సినిమా భారీ విజయాన్ని అందించింది.
3.ది కాశ్మీర్ ఫైల్స్
గూగుల్‌లో సెర్చ్ లో ఈ సినిమా మూడవ స్థానంలో నిలిచింది.వివేక్ అగ్నిహోత్రి డైరెక్షన్ లో వచ్చిన ‘ది కాశ్మీర్ ఫైల్స్’ సినిమా దేశ వ్యాప్తంగా సంచలనం సృష్టించింది. ఈ మూవీ ఎన్నో వివాదాలతో రికార్డులు సృష్టించింది. రిలీజ్ అయిన మొదటి వారంలోనే వందకోట్ల క్లబ్‌లో చేరింది.
4.ఆర్‌ఆర్‌ఆర్‌
రాజమౌళి దర్శకత్వంలో ఎన్టీఆర్, రామ్ చరణ్ ప్రధానపాత్రల్లో తెరకెక్కిన ఆర్‌ఆర్‌ఆర్‌ బ్లాక్ బస్టర్ గా నిలిచిన సంగతి తెలిసిందే. ఇక ఈ సినిమా ఇండియాలోనే కాకుండా జపాన్ లో కూడా అద్భుతమైన స్పందన పొందింది. గూగుల్‌లో సెర్చ్ లో 4వ స్థానంలో నిలిచింది.
5.కాంతార
ఈ సినిమా 5 వ స్థానంలో నిలిచింది. కన్నడ ఇండస్ట్రీ నుండి వచ్చిన మరో బ్లాక్ బస్టర్ మూవీ కాంతార. ఈ సినిమా హిస్టరీ క్రియేట్ చేసింది. నటుడు, దర్శకుడు రిషబ్ శెట్టి ఈ సినిమాతో దేశ విదేశాల్లో గుర్తింపు పొందారు.
Ads
6.పుష్ప
గూగుల్‌లో సెర్చ్ లో ఈ సినిమా 6వ స్థానంలో ఉంది. ఐకాన్ స్టార్ అల్లు అర్జున్ , రష్మిక మందన్న జంటగా నటించిన పుష్ప సినిమా బాక్సాఫీస్ వద్ద కోట్లను రాబట్టింది. ఈ సినిమాకి డైరెక్టర్ సుకుమార్.
7.విక్రమ్
గూగుల్‌లో సెర్చ్ లో ఈ మూవీ 7వ స్థానం పొందింది. లోకేష్ కనకరాజ్ దర్శకత్వంలో కమల్ హాసన్ నటించిన బ్లాక్ బస్టర్ సినిమా విక్రమ్, ఈ సినిమా ఏడాది అత్యధిక కలెక్షన్స్ సాధించిన కోలీవుడ్ చిత్రం. ప్రపంచవ్యాప్తంగా రూ.442 కోట్లు సాధించింది.
8.లాల్ సింగ్ చద్దా
ఈ చిత్రం గూగుల్‌లో సెర్చ్ లో 8వ స్థానందక్కించుకుంది. బాలీవుడ్ హీరో అమీర్ ఖాన్ కరీనా కపూర్, నాగచైతన్య నటించిన లాల్ సింగ్ చద్దా మూవీని ఆడియెన్స్ తిరస్కరించారు. నిర్మాతలు భారీగా నష్టపోయారు.కాగా ఓటీటీలో ఈ మూవీకి రెస్పాన్స్ వచ్చింది.
9.దృశ్యం 2
ఈ సినిమా గూగుల్‌లో సెర్చ్ లో 9వ స్థానంలో ఉంది. అజయ్ దేవగన్, శ్రియా శరణ్ నటించిన దృశ్యం 2 బాలీవుడ్ లో బ్లాక్ బస్టర్ గా నిలిచింది. బాలీవుడ్ కి భారీ కలెక్షన్లతో అజయ్ దేవగన్ పెద్ద హిట్ అందించాడు.
10.థోర్: లవ్ అండ్ థండర్
గూగుల్ లో భారతీయులు అత్యధికంగా వెతికిన సినిమాల్లో హాలీవుడ్ సినిమా థోర్: లవ్ అండ్ థండర్ 10వ స్థానంలో నిలిచింది. ఈ సినిమాకి తైకా వెయిటిటి దర్శకుడు.
Also Read: సీనియర్ ఎన్టీఆర్ నుండి అడివి శేష్ వరకు.. టాలీవుడ్ హీరోలు ఏం చదివారో తెలుసా?
