Ads
తెలుగు టెలివిజన్ చరిత్రలోనే సెన్సేషన్ క్రియేట్ చేసిన సీరియల్స్ లో, ఇటీవల లిస్ట్ లో చేరిన సీరియల్ కార్తీకదీపం. ఎటువంటి అంచనాలు లేకుండా టెలికాస్ట్ అయ్యి, ఆ తర్వాత టాప్ సీరియల్ గా గుర్తింపు సంపాదించుకుంది. దాదాపు 4 సంవత్సరాల పాటు నడిచిన ఈ సీరియల్ ఇటీవల ముగిసింది.
అప్పుడు చాలా మంది సీరియల్ అయిపోయినందుకు బాధపడ్డారు. ఇప్పుడు కార్తీకదీపం పార్ట్ 2 వస్తున్నట్లు చెప్పారు. దానికి సంబంధించిన ప్రోమో కూడా ఇటీవల విడుదల చేశారు. అయితే, కార్తీకదీపం పార్ట్ 2 అంటే మొదటి కార్తీకదీపం సీరియల్ కి కొనసాగింపు లాగే ఉంటుంది అని అనుకున్నారు.
కానీ ప్రోమో చూస్తే మాత్రం అలా అనిపించట్లేదు. కార్తీకదీపంలో నటించిన నిరుపమ్, ప్రేమీ విశ్వనాథ్ ఈ ప్రోమోలో కనిపిస్తున్నారు. కానీ ప్రోమో స్టోరీ మాత్రం డిఫరెంట్ గా అనిపిస్తుంది. వీరితో పాటు మరొక చిన్న పిల్ల కూడా కనిపిస్తోంది. అయితే కార్తీకదీపం పార్ట్ 2 సీరియల్ ఒక సీరియల్ రీమేక్ అని సమాచారం. తమిళ్ లో ఇప్పటికే ప్రసారం అయ్యి సూపర్ హిట్ అయిన చెల్లమ్మ అనే సీరియల్ రీమేక్ అనే వార్త వినిపిస్తోంది.
Ads
ఊరిలో నివసించే ఒక మహిళ, తన కూతురిని ఎలా కాపాడుకుంది. ఇలాంటి విషయాల మీద ఈ సీరియల్ నడుస్తుంది. పెళ్లి అయ్యాక భర్త పెట్టే ఇబ్బందులు భరించలేక విడాకులు తీసుకున్న ఒక మహిళ, ఆమెకి ఒక కూతురు, ఇంకొక పెళ్లి చేసుకున్న భర్త, ఆమెని ఇబ్బంది పెట్టడం, ఈ సీరియల్ కథ అంతా కూడా ఇలా నడుస్తుంది. మెయిన్ క్యారెక్టర్ ఒకరి ఇంట్లో పని మనిషిగా పని చేస్తూ ఉంటుంది. వారు తన కూతురి చదువు కోసం సహాయం చేస్తారు.
విడాకులు తీసుకున్న తర్వాత తాను భర్త నుండి ఎలాంటి ఇబ్బందులు ఎదుర్కొంది, వాటి నుండి తన కూతురిని ఎలా కాపాడుకుంది అనేది ఈ సీరియల్ లో చూపించారు. ఇప్పుడు తెలుగు ప్రోమో చూస్తూ ఉంటే దాదాపు ఇలాగే ఉన్నట్టు అనిపిస్తోంది. మరి డాక్టర్ బాబు ఇందులో ఏ పాత్ర పోషిస్తారు అనేది మాత్రం ఇంకా తెలియదు. ఈ సీరియల్ బ్రహ్మముడి సీరియల్ టైమింగ్ లో వస్తుంది అని అంటున్నారు. ఈ విషయం మీద ఇంకా అధికారిక ప్రకటన రావాల్సి ఉంది.
ALSO READ : “రామ్ చరణ్” ఇప్పటి వరకు సంపాదించిన మొత్తం ఎంత..? ఒక్క సినిమాకి ఎంత తీసుకుంటారు అంటే..?
